Muzik ta un elemento hopi importante durante un entiero. E ta sirbi pa trese rekuerdo di tempu e defuntu tabata na bida i e ta duna ademas un toke personal na e entiero.
Muzik ta sirbi pa trese un esfera di reflekshon i trankilidat. El Tributo tin un kolekshon amplio di diferente tipo di músika, na disposishon di e famia, durante bishita di kondolensia.
Tambe nos por regla músika “live” na entiero; sea un músiko, kantante, kor, duo òf banda.
Den kaso ku e kondolensia ta tuma lugá den misa, mester tene kuenta ku no ta tur tipo di músika i/òf tema ta permití.