Chèklist na ora di entiero
Despues di buska e defuntu, un koordinadó di entiero di El Tributo ta yama e famia pa traha un sita. Esaki ta sosodé, sea mesun dia òf su manisé, dependiendo di e ora ku e persona a fayesé.
Por fabor, trata di yega na tempu, pa di e manera akí por atendé tur e puntonan ku tin ku regla.
E persona ku ta bin regla e entiero mester bini ku su sédula.
Loke famia mester trese di e defuntu:
- Sédula òf Pasport
- Si e defuntu ta kasá, trese su trouwboek (buki di kasamentu)
- Un potrèt di e defuntu pa pone den korant
- Den kaso ku e defuntu ta den seguro di entiero, trese e dokumentunan relevante
Pa e defuntu femenino, mester trese:
- Shimis, saya ku blusa òf karson ku blusa
- BH, mea i panty (karson djabou). NO tin mester di sapatu
Pa e defuntu maskulino, mester di trese:
- Sèt di bachi ku karson i kamisa òf karson ku kamisa
- Mea, dashi, faha i boxer (djòki). NO tin mester di sapatu