Steun vinden & geven

Partisipashon/Anunsio di Morto:

Na Kòrsou ta kustumber ku na momento ku un hende muri, famianan ta partisipá esaki den e diferente medionan di komunikashon.

Despues ku e famia stipulá un fecha di entiero, nan ta pone un aviso den korant, den kual nan ta invitá na e entiero; inkluso nòmber di e diferente miembronan di famia i tambe e lugá di entiero.

Despues di entiero famia ta bolbe saka un aviso, kaminda nan ta gradisí tur esnan ku a sosten’é nan i por invitá na un òf 3 misa di deskanso.

Promé ku bishitá El Tributo ta bon pa, habri e linknan aki bou i tira un bista riba e diferente modelonan di aviso ku tin, di manera ku e enkargado di e famia por bin prepará na su sita.

Rekuerdonan tangibel:

Dia di entiero ta e dia pa tuma despedida di e defuntu, p’esei tin hopi famia ku ta opta pa duna esnan, ku a bin sostené nan na entiero, un rekuerdo.Esaki por ta un karchi ku e poema favorito di e defunto (prenchi), un reflekshon, un potrèt, òf e flor faborito di e defunto.Aparte di esaki e famia mes tambe ke keda ku algu tangibel di nan ser keríku ya no ta huntu ku nan mas. Den nos afan pa duna un servisio kompleto, nos ke asistí bo den esaki tambe. Den kaso ku bo tin un deseo, ku no a bini dilanti riba nos wepsait, sinti bo liber di laga nos sa esaki.

Flor:

E nifikashon original di flor ta kresementu, bida nobo i adelanto. Flor na un entiero òf kremashon ta sòru pa un ambiente harmonioso i natural, pero tambe pa duna muestra di kalides i kondolensia. P’esei mes flor ta tuma un lugá importante na un entiero. Permití El Tributo asistí bo den esaki tambe, sea ta flor pa: korsage, flor pa riba e kaha di morto(spraybaar), dekorá e sala òf pa rekuerdo.

Urn:

Den e sala di muestra na Nieuwe haven, por skohe entre diferente modelo di urn pa warda e shinishi di bo kerido defunto. Nos di El Tributo ta konsiente ku smak di hende ta varia, ta p’esei nos a sòru pa un surtido amplio pa asina por kumpli ku mayoria di deseo: sea ku ta un urn di kerámika, metal òf unu di palu. Tantu pa esnan ku ke algu sutil òf pa esnan ku ke algu mas ekspresivo. Tambe ta posibel pa repartí e shinishi den diferente urn (keepsake), di manera ku mas miembro di famia por keda ku un rekuerdo.

Joyas:

Pa esnan ku ke algu mas tangibel ainda, tin urn miniatura den forma di hanger pa hinka den un kadena òf armbant. Un otro opshon ta e asina yama“ thumbies”. Un hanger ku e imprenta di e dede di e defunto. E thumbies-nan ta optenibel den oro òf plata.

Transporte Fúnebre:

Na momentu ku un persona fayesé i dòkter a konstatá morto, El Tributo ta manda un waha di morto pa buska e defunto i hib’é na El Tributo Otrobanda, kaminda e kurpa ta permanesé te ku dia di entiero.

Riba dia di entiero El Tributo ta manda un otro waha di morto pa buska e defunto i hib’é na e lugá kaminda ta bai duna tributo. Despues di esaki, e waha ta hiba e defunto na su último lugá di sosiegu.

El Tributo ta konta ku 4 waha di morto (Cadillac), pa garantisá ku tur kos por kana manera a ser planeá.
Den kaso ku famia ta deseá esaki, El Tributo por sòru pa limuzin, bus òf otro tipo di transporte pa famia di e defunto.

Salanan di tributo:

Pa famia i konosínan por despedí ku dignidat di nan kerido defunto, El Tributo ta brinda 2 sala di tributo na Otrobanda i 1 na Capilla Ardiente na Bottelier. E salanan ta ekipá ku stándart pa kologá krans, stándart pa kaha di morto, stándart di bela, WI FI, ekipo audio visual i pa Life streaming.

Tambe ta duna e famia e oportunidat pa dekorá e sala di tributo i hink’é den e esfera ku ta reflektá bida di e defunto.

Den e salanan di Otrobanda e famia di e defuntu ta risibí e bishita di kondolensia den un espasio airu kondishoná. Aparte di e esaki tin un patio pafó kaminda mas hende por sinta i kompania e famia den fresku.

Den e Capilla Ardiente ku ta situá den e hòfi Morada Santa di Bottelier (link naar morada santa) famia ta risibí bishita den un esfera kálido i harmonioso di naturalesa. Despues di kondolensia e famia i konosínan por kana den fresku di e hòfi, bai hiba nan defunto na su ultimo lugá di sosiegu.

Morada Santa na Bottelier:

Na 1969 El Tributo a inougurá e promé santana priva na Kòrsou, ku no tabata mara na ningun religion o kreensia. Na mes momentu a habri e posibilidat pa dera den oranan di anochi. Morada Santa na Bottelier, mihó konosí komo Santana di Bottelier ta e santana di mas grandi na Kòrsou kaminda por skohe entre sea un graf, boka òf kelder.

E konsepto di Morada Santa ta úniko den diferente sentido: Úniko, pa su:

  • Filosofia: No ta mara na niun kreensia
  • Lokalidat: Un dushi ambiente di hofi kompañá pa e harmonioso sonidonan di naturalesa
  • Fasilidatnan:
  1. kapiya ardiente kaminda por risibí bishita di kondolensia
  2. Servisio di catering di El Tributo, tantu durante i despues di dera e defunto.
  3. Despues di entiero famia i konosínan por keda den hòfi di Bottelier i relahá o papia tokante di e dia ku nan tin tras di lomba, miéntras ku e hostessnan i catering di El Tributo ta sòru pa algu di kome i bebe.
  • Multi-funshonalidat: Aparte di e funshon fúnebre, por usa e lokalidat aki pa tene resepshon, kongreso i konsierto pa eventonan memorabel.

Potrèt& Video na Entiero:

Un entiero ta un momentu kaminda emoshonnan ta pre-dominá. E ta e dia pa tuma despedida di bo ser kerí i ta lógiko ku bo no ke wòrdu distraí den esaki.

P’esei ta importante pa un fotógrafo òf un kamarógrafo kaptá tur e diferente momentunan, di manera ku despues abo i bo famia por sinta den tur trankilidat i rekordá e dia. Un reportahe di potrèt òf video ta resultá di tin un balor inkalkulabel pa e proseso di luto. Durante e kombersashon ku e kordinadó di El Tributo, por haña mas informashon i rekomendashon i ta mas ku klaru ku El Tributo por regla esaki tambe.

Muzik na Entiero:

Músika ta un elemento hopi importante durante un entiero. E ta sirbi pa trese rekuerdonan ariba di tempu e defunto tabata na bida i tambe e ta duna un toke personal na e entiero. Tambe muzik ta sirbi pa trese un esfera di reflekshon i trankilidat. El Tributo tin un kolekshon amplio di diferente tipo di músika, ku ta wòrdu pone na disposishon durante bishita di kondolensia.

Tambe nos por regla músika“life” na entiero ; sea ta un músiko,kantante, kor,duo òf banda.
Den kaso ku e kondolensia ta tuma lugá den misa, mester tene kuenta ku no ta tur tipo di músika i/o tema ta permití.

Catering:

Pa e kliente por tin lo mínimo na su kabes, El Tributo ta brinda un servisio mas integral ku ta posibel; El Tributo por sirbi algu di kome i bebe, tantu durante komo despues di entiero.

Durante e kombersashon ku e kordinadó di entiero, e famia ta haña informashon tokante e diferente opshonnan ku tin. Sea ta juice, kòfi i te pa famia so òf algu di kome i bebe pa tur esnan ku a bin tuma despedida di e defunto. Den kaso ku e famia ke parti algu espesífiko pa rekordá nan ser kerí, por ehèmpel su pasapalu, boka dushi òf bebida favorito, e catering di El Tributo por sòru pa e esaki tambe.

Pa esnan ku ta dera nan defunto den hòfi di morada santa di bottelier tin e opshon pa bestèl algu di bebe i kome. Tanten ku esnan ku a keda atras ta sinta deskansá i papia ku amigu i konosínan, e hostessnan ta sirbi un dushi pan ku stoba i un refresko.

Live streaming di entiero:

Tuma despedida di un ser kerí ta hopi importante pa e proseso di luto. Lamentablemente
tin bia un ser kerí ta fayesénèt na un momento ku un yu, ruman, tio òftanta no por bin Kòrsou pa e entiero. Sea ta pa motibu finansiero, motibu di trabou òf estudio. Den kuadro di esaki, El Tributo por brinda e fasilidat di Life streaming di entiero, den e sala nobo na Otrobanda. Di e forma aki esnan ku no por ta presente tòg por presensiá e entiero via di Internèt.

Chèklist na ora di entiero:

Lo ke famia mester regla na El Tributo:

El Tributo na Nieuwe haven lo bèl famia pa un afsprak. Ora tin un afsprak, por fabor trata pa yega na tempu.

Loke famia mester trese di e defunto:

  • Sédula òf Pasport
  • Si e defunto ta kasa, trese su troubuk
  • Un potrèt di e defunto pa pone den korant

Den kaso ku e defunto ta den seguro di morto, trese e dokumentunan relevante

Pa e defunto muhé, mester trese su:

  • Shimis òf saya ku blusa òf karson ku blusa
  • BH, Mea, Panty (karson di abou).NO mester di sapatu
  • Sédula di Persona ku ta bin regla entiero.

Pa e defunto hòmber, mester di trese su:

Set di bachi ku karson i kamisa òf karson ku kamisa
mea, dashi, faha, boxer (djòki). NO mester di sapatu

  • Set di bachi ku karson i kamisa òf karson ku kamisa
  • mea, dashi, faha, boxer (djòki). NO mester di sapatu
  • Sédula di Persona ku ta bin regla entiero.

Traha un draaiboek:

E dia di entiero ta parse simpel, pero sin un bon planifikashon hopi kos por bai robes. Sigur si ta ferwagt hopi hende òf ke hasi algu èkstra, manera, pasa dilanti kas, duna oportunidat pa spich, sirbishi, presentashonnan, etc.

Ta p’esei ta bon pa traha un draaiboek di e entiero i asina haña un bista; kiko, ken, ki ora i den kuantu kada kos tin ku sosodé. Di e forma aki tur kos por kana manera mester ta. Mas ku klaru ku esaki mester sosodé adelantá, pa asina por regla tur kos na tempu.

Normalmente El tributo mes ta traha un draaiboek i dirigí e entiero di bo ser kerí. Esaki ta wòrdu hasi a base di e informashon ku e kliente duna. Pero den kaso ku e famia mes ke hasi esaki, esaki tambe ta posibel.

Pa abo por haña un bista, klik riba e siguiente link pa bo download un modelo stándart di un draaiboek pa entiero.

Download modelo draaiboek
Download template draaiboek