E dia di entiero ta parse simpel, pero sin un bon planifikashon hopi kos por bai robes. Sigur si ta spera hopi hende òf ke hasi algu èkstra, manera, pasa dilanti kas, duna oportunidat pa diskurso, sirbishi, presentashonnan, etc.
Ta p’esei ta bon pa traha un draaiboek (guion) di e entiero i asina haña un bista; kiko, ken, ki ora i den kuantu tempu, kada kos tin ku sosodé. Di e forma akí tur kos por kana manera mester ta. Mas ku klaro ku esaki mester sosodé adelantá, pa asina por regla tur kos na tempu.
Normalmente El Tributo mes ta traha un draaiboek i dirigí e entiero di bo ser kerí. Esaki ta hasi a base di e informashon ku e famia duna. Den kaso ku e famia mes ke hasi esaki, esei ta posibel.