Cemetery Bottelier

Na 1969 El Tributo a inougurá e promé santana privá na Kòrsou, ku no tabata mará na ningun religion òf kreensia. Na mes momentu a habri e posibilidat pa dera den oranan di anochi. Morada Santa Bottelier, mihó konosí komo Santana di Bottelier ta e santana di mas grandi na Kòrsou kaminda por skohe entre sea un graf, boka òf kèlder.

E konsepto di Morada Santa ta úniko den diferente sentido: Úniko, pa su:

  • Filosofia: No ta mará na niun kreensia
  • Lokalidat: Un dushi ambiente di hofi kompañá pa e harmonioso sonidonan di naturalesa
  • Fasilidatnan:
    • Capilla Ardiente, kaminda por risibí bishita di kondolensia.
    • Servisio di catering di El Tributo, tantu durante komo despues di dera.
    • Despues di entiero famia i konosínan por keda den hòfi di Bottelier i relahá i/òf papia tokante e dia ku nan tin tras di lomba, miéntras ku e hostessnan i catering di El Tributo ta sòru pa algu di kome i bebe.
  • Multi-funshonalidat: Aparte di e funshon fúnebre, e lokalidat akí ta sirbi tambe pa tene resepshon, kongreso i konsierto pa eventonan memorabel.